بی جے پی حکومت کو کانگریس کے دور حکومت سے سبق حاصل کرنے کی کوئی ضرورت نہیں:

مرکزی وزیر اطلاعات ونشریات ایم وینکیانائیڈو نے دوٹوک انداز میں کہا ہے کہ بی جے پی حکومت کو کانگریس کے دور حکومت سے سبق حاصل کرنے کی کوئی ضرورت نہیں ہے کیونکہ کانگریس کے دور میں ملک میں بڑے گھپلے ہوئے ہیں۔انہوں نے آندھراپردیش کے ویزاگ میں میڈیا سے بات کرتے ہوئے



کہاکہ کانگریس کے بعض رہنما یہ کہہ رہے ہیں کہ موجودہ حکومت کو سابق وزیراعظم منموہن سنگھ کے مشورے قبول کرنے چاہئے ۔انہوں نے شدید برہمی کا اظہار کرتے ہوئے کہاکہ وزیراعظم کو مشورے دینے سے پہلے منموہن سنگھ کو یہ سوچنا چاہئیے کہ ملک میں ان کے دور حکومت میں کتنے گھپلے ہوئے ہیں۔